Pjesa më e madhe e njerëzve shkojnë në gjumë me mendimin se do pushojnë të qetë, por dhe gjatë gjumit njerëzit mund të pësojnë komplikacione serioze ose paraliza.
Mjekët deklarojnë se paraliza e gjumit është një fenomen që ndodh në momentin kur na zë gjumi ose kur sapo zgjohemi. Ajo është paaftësia për të lëvizur apo folur ndërkohë që jemi zgjuar, pra truri jonë është zgjuar kurse trupi jo.
Duke iu referuar studimeve që janë bërë nder vite theksohet se paraliza e gjumit prek një pjesë të madhe të njerëzve. Ata që e kanë përjetuar e tregojnë si një eksperiencë shumë të keqe. Ajo mund të zgjasë nga disa sekonda deri në disa minuta.
Thuajse të gjithë mund ta përjetojnë paralizën e gjumit dhe s`ka asgjë të keqe, por nëse ajo bëhet e shpeshtë duhet të kërkohet ndihma e psikologut. Stresi është faktori kryesor që e shkakton atë dhe mund të çojë deri në paralizë të përditshme.
Nëse për shumicën e njerëzve kjo është një eksperiencë e frikshme dhe e padëshiruar, disa të tjerë e nxisin paralizën e gjumit në mënyrë që ta kthejnë në një ëndërr të kthjellët, ku kanë kontroll.
Por, nëse vuani nga paraliza e gjumit mund të bëni disa gjëra, të cilat iu ndihmojnë ta shmangni:
Të shmangni stimulantët e gjumit.
Nuk duhet të shikoni televizor gjatë përpara se të flini.
Mos përdorni celularin para gjumit
Të shmangni gjumin gjatë ditës.
Mos flini të kthyer në shpinë.
