Është mbrojtëse e kauzës së përdorimit të kabanisit. Maqedonasja Monika Risteska madje ka vendosur të braktisë shtëpinë e saj dhe të vazhdojë me stilin e një jetë nën tym. Kanë qenë prindërit ata që i kanë dhënë ultimatum pasi që një ditë prej ditësh, dy vjet më parë, ata kishin zbuluar që vajza e tyre konsumon mariuhanë dhe madje kanë gjetur vazo të mbjella me këtë bimë narkotike në shtëpi.
Prindërit e pyetën: “Do te jetosh me kanabisin apo me ne?” Dhe ajo preferoi të dytën.
“Ishte shumë e vështirë, veçanërisht për një vajzë, që të qëndroja e vetme në rrugë”, ka ndarë ajo eksperiencën e saj për portalin maqedonas Makfaks, duke shtuar se prej dy vitesh është ndarë prej së gjalli me prindërit.
Risteska mendon që dhimbja nga momentet e vështira me prindërit e saj tanimë është varrosur në tokë.
Tashmë ajo jeton në botën e zgjedhur, atë të të marihuanës.
“Nuk ka ditë që nuk pij të paktën një cigare “, vetëm nëse nuk kam të holla për të blerë. Nuk më krijon varshmëri. Mendoj që më tepër duhet të ndjejnë faj ata që deklarohen si besimtarë dhe shkojnë nëpër kisha, ndërsa e përzënë nga shtëpia fëminë e tyre. Për mua ata nuk janë prindër”, thotë Risteska.
Nga ana tjetër, ajo pretendon se bën punë të mira dhe i ndihmon njerëzve. Me profesion është gazetare e diplomuar dhe ka kryer edhe magjistraturën. Risteska pohon se është e vetëdijshme për të gjitha pasojat nga kjo luftë që po e bën.
“Tani më jam mësuar që disa njerëz më llogarisin për narkomane. Mendimi im për këta njerëz është se janë budallenj të mëdhenj dhe nuk meritojnë të jetojnë”, vazhdon Risteska.
Kanabisi blihet gjithkund në pazarin e zi, thotë Risteska, duke shtuar se prodhohet në Maqedoni, por që importohet edhe nga Kosova dhe Shqipëria. Sipas saj, kushdo që blen bëhet pjesë e këtij pazari.
“Më parë policia të rrihte për një joint, për një farë. Rrihin të mitur. Më parë, familjet si e imja, të pavetëdijshëm pse janë kundër kësaj, ia kanë shkatërruar jetën fëmijëve të tyre, i mbyllnin dhe i kriminalizonin. Përshembull, për një joint, menjëherë janë vendosur në terapi metadonike. Për këtë janë fajtorë prindërit budallenj”, thotë Risteska.
Për të parën herë ka provuar mariuhanë në moshën 16-vjeçare. Që atëherë ka qenë e arrestuar nga policia, madje edhe gjatë festës së ditëlindjes së saj, atëherë kur te ajo kishte gjetur 25 gram mariuhanë. Në shtëpinë e prindërve të saj ka pasur dy bastisje, ndërsa e fundit ka qenë para disa ditësh, ndonëse Monika më nuk jeton më me prindërit.
Ajo thotë se ka lexuar dhe është edukuar shumë, kështu duke i mësuar të gjitha anët pozitive të mariuhanës, dhe njëkohësisht pohon se nuk ka asnjë ndikim negativ.
“Çdo konsumim i kanabisit është medicinal, nuk mundet të jetë ndryshe nëse nuk e shfrytëzojmë në qëllime industriale. E shfrytëzoj si krem, ma zbukuron lëkurën, ndihmon për rrudha, skuqje, për puçrra, shërron plagët, dhe e gjithë ëndërra është më e mirë”, kështu e sqaron përvojën e saj me kanabisin vajza rebele maqedonase. /tesheshi.com/
