Ledian Memushaj është lojtari më i përfolur i Kombëtares shqiptare në këtë merkato transferimesh. Pasi nuk u përshtat si duhet tek Benevento, disa ekipe nga Serie B kanë kërkua shërbimet e mesfushorit vlonjat. Detajet e rejat të zbuluara nga “Gazzetta Dello Sport”,bëjnë me dije se futbollisti ka pranuar ofertën ekonomike nga skuadra e barit dhe tani pritet vetëm ok e Beneventos.
Raportohet se në ditët e fundit ishte dhe Empoli që bëri një ofertë zyrtare në drejtim të Memushajt, por ai ka pranuar Barin pasi kushtet financiare ishin më të mira dhe kështu shumë shpejt do të jetë nën urdhrat e Fabio Grossos.
Kjo lëvizje pritet të finalizohet në fundjavë, pasi në ndeshjen e fundit vetë mesfushori vlonjat u tregua i sinqertë dhe u shpreh se pavarësisht dëshirës për të qëndruar, ai mund të vazhdojë karrierën në një ekip tjetër në pjesën e mbetur të sezonit. Benevento nga kjo lëvizje do të arkëtojë 500 mijë euro.
