Meksika ka arritur një fitore historike përballë kampionëve të botës në fuqi, Gjermanisë me rezultatin e ngushtë 1-0. Në “Luzhniki Arena” është shfaqur një Meksikë perfekte e cila ka përdorur kundërsulmin si armën më të fortë dhe ia ka dalë mjaft mirë. Amerikano-latinët kaluan në avantazh në minutën e 35’ me anë të Hirving Lozano, i cili aktivizohet në radhët e PSV Eindhoven.
Ky ishte goli i parë i pësuar nga Gjermania në një Kupë të Botës, pas 563 minutash, që nga ndeshja kundër Ganës në “Brazil 2014”. Meksika nuk e humbiste topin dhe sa herë e kishte në zotërim vinte në vështirë mbrojtjen e kampionëve të Botës.
Në pjesën e dytë, Gjermania dominoi në qarkullimin e topit, por vetëm aq, pasi e kishte të pamundur të mposhtte portierin Ochoua. Vlen për t’u përmendur se në 15 minutat e fundit të ndeshjes te Meksika luajti edhe Rafael Marquez, i cili barazoi rekordin me pesë pjesëmarrje në historinë e kampionateve botërore.
Në ndeshjen tjetër, Gjermania duhet të fitojë me çdo kusht ndaj Suedisë, për të pretenduar kualifikimin, ndërsa Meksika e sheh veten në një pozitë të favorshme në Grupin F dhe do të ndeshjet me Korenë e Jugut.
