Për ish-deputeten e LSI Kejdi Mehmetaj, naftëtarët e uzinës së Ballshit janë të përbuzur nga Rlindja.
Përmes një postimi në Facebook, Mehmetaj shkruan se qeveria erdhi në pushtet me premtimin se do u zgjidhë problemet punonjësve të naftës, por është bërë krah me oligarkët, dhe rreh naftëtarët.
Sips saj, dhuna në protestën e sotme të naftëtarëve është fytyra e vërtetë e Edi Ramës dhe qeverisjes së tij.
Postimi i Mehmetaj në Facebook
Naftëtarët e përbuzur nga Rilindja!
Protesta që ben sot naftëtarët përballë MIE nuk është rastësi dhe as e parë në llojin e saj, përkundrazi ajo përsëritet kohë pas kohe e mashtrim pas mashtrimi që u bëhet nga autoritetet shtetërore. Edhe pse kjo qeveri erdhi në pushtet duke u premtuar naftëtarëve të Ballshit e Fierit se do i zgjidhë njëherë e përgjithmonë problemin e pagave e të kushteve të punës, edhe pse në Parlament është miratuar ligji për statusin e naftëtarit, edhe pse qeverisjet socialiste anembanë botës janë në krah të punonjësve e sindikatave, rilandasit në qeverinë shqiptare bëhen krah me oligarkët dhe rrahin e përbuzin naftëtarët.
Këta naftëtarë që punojnë në kushte të vështira dhe të rrezikshme për jetën, që mbajnë në këmbë industrinë më të rëndëshme të vendit, nuk arrijnë dot të mbajnë me bukë familjet e tyre pasi oligarkët shfrytëzues, me mbrojtjen e rilindasve, nuk i japin rrogat. Shteti që duhet ti garantoje, i rreh! Shteti që duhet ti mbrojë, i përbuz! Shteti që duhet të jet me ta, është kundër tyre dhe në krah të shfrytëzuesve! Dhuna në protestën e sotme të naftëtarëve është fytyra e vërtetë e Edi Ramës dhe qeverisjes së tij! Mbajeni mend këtë fytyrë kur të fillojë me mashtrimet e rradhës.
Naftëtarët e uzinës së Ballshit zhvilluan një protestë sot në Tiranë para Ministrisë së Energjitikës.
Të pranishëm në protestë ishin dhe forcat policore, të cilët kërkuan shpërndarjen e saj në kuadër të masave anti-covid. Por, kjo u kundërshtua nga punonjësit e naftës të cilët u konfrontuan me uniformat blu.
Prej 2 vitesh, naftëtarët kërkojnë 20 pagat e prapambetura dhe rifillimin e punës në uzinën e përpunimit të naftës në Ballsh.
