Deputetja e LSI, Kejdi Mehmetaj shprehet se paratë e nxjerra nga aktiviteti i kanabisit, do të përdoren për financimin e fushatave elektorale.
Sipas saj, Lëvizja Socialiste për Integrim e ka denoncuar prej kohësh këtë fenomen, ndërsa tani po bëhet gjithnjë e më shumë prezent.
“Sot pas 27 viteve duhet të bënim shumë hapa përpara për integrimin dhe jo të flisnim për dekriminalizimin se si kemi disa deputetë që kanë rekorde kriminale, që është e tmerrshme të diskutosh sot, por mirë ta diskutosh, por edhe ta mbrosh fenomenin sikur ka ndodhur hapur. Apo të flasim si vendi është i mbushur me kanabis, në mos gaboj vetëm brenda kësaj jave janë kapur gati 23 ton hashash, që do të thotë se ajo është aty dhe puna duhet të ishte bërë më e madhe dhe ne kemi pasur një qëndrim për këtë cështje. Apo sesi paratë e krimit futen dhe bëhen pjesë e zgjedhjeve, pasi qytetarët nuk do të shkojnë me vullnetin e tyre, por me vullnetin e të fortit dhe kështu nuk mund të funksionojë më. Prandaj kur themi qeveri besimi e themi për qytetarët. Shumica duhet të sigurojë zgjedhjet”, u shpreh Kejdi Mehmetaj për Report tv.
