Megi Topalli, vajza e ish-kryetares së Parlamentit, Jozefina Topall, ka dalë kundër bindjeve të së ëmës lidhur me kryedemokratin Lulzim Basha.
Në adresën e saj në rrjetin social “Facebook”, Megi ka postuar pjesëmarrjen e kreut të PD-së në Asamblenë e Partisë Popullore Europiane ne Kopenhagen.
Në këtë artikull pasqyrohet Lulzim Basha para Asamblesë, i cili bëri një pasqyrë të zhvillimeve politike në vend dhe ndau me politikanët e djathtë evropianë vizionin e tij për të ardhmen e PD-së dhe të opozitës.
Në mënyrë të veçantë, Basha theksoi rëndësinë që ka për opozitën dhe vetë demokracinë në Shqipëri reformimi i sistemit zgjedhor, për t’i dhënë fund përgjithmonë historisë së manipulimit të zgjedhjeve.
Kujtojmë se Jozefina Topalli ka qenë një nga kundërshtaret më të fuqishme të Bashës gjatë dy viteve të fundit si në zgjedhjet brenda partisë por edhe në zgjedhjet e përgjithshme ku PD-ja humbi bindshëm.
