Pas takimit me ish-kryeministrin Berisha, kreu i Partisë Republikane, Fatmir Mediu ka folur para pak minutash para medias lidhur me marrëveshjen mes mazhorancës dhe opozitës.
Mediu tha se Basha i ka dhënë sigurinë opozitës se bëhet fjalë për një marrëveshje të qëndrueshme, ndërsa shton se Basha dhe Rama do japin detaje më vonë për “paktin” mes tyre.
Gjithashtu, Mediu tregon edhe një “sakrificë” të bërë nga opozita për hir të arritjes së marrëveshjes.
“Çdo marrëveshje ka vlerë, kemi qenë pjesë e angazhimit.
Jam takuar shkurt fare me Bashën, madje po ju them një sekret këtu: Ne bashkë me Bashën anuluam dje një vizitë në SHBA për shkak të marrëveshjes, shpresojmë t’ia ketë vlejtur.
Në takimin që bëra dje me thanë që është një marrëveshje e qëndrueshme, nuk kemi hyrë në detaje për shkak të takimit konfidencial. Basha ka përgjegjësi maksimale për negociatat.
Nuk mendoj që jemi të përjashtuar, unë falendëroj ambasadorin Lu për punën e bërë për arritjen e kësaj marrëveshjeje.
Mbas kësaj negociata si Rama dhe Basha të na prezantojnë implemtimin e plotë të paketës McAllister duek qenë se opozita e pranoi pa asnjë kusht. Ne duhet të krijojmë konfidenca te qytetarët shqiptarë që vota e tyre ka një vlerë”, tha Mediu./ TIRANA TODAY
