Gazetat turke vijojnë t’i kushtojnë vëmendje fatit të biznesmenit turk, Faruk Fatih Ozer, i cili mendohet se gjendet në Shqipëri, së bashku me pajisjen e kriptomonedhës dhe me një shumë prej 2 milionë dollarësh. Ndonëse është zbuluar një pjesë e internerarit, është ndaluar shoqëruesiq ë e mori nga Rinasi dhe e strëhoi në një nga hotelet e Tiranës, sërish destinacioni i tij mbetet enigmë.
Media turke kanë bërë të ditur se Policia e Shtetit në Shqipëri, ka vënë në dispozicion një shpërblim prej 50 mijë eurosh për çdo person që do të ndihmojë me informacion të vlefshëm për gjetjen e mashtruesit turk. Sipas tyre uniformat blu shqiptare po punojnë edhe për kapjen e Edivaldo Haxhiut, i cili është shpallur në kërkim si një nga personat që e ka pritur Faruk Fatih Ozerin në Rinas dhe e ka ndihmuar për t’u strehuar në një hotel te zona e 21 Dhjetorit dhe më pas, për tu larguar në zona të ndryshme të kryeqytetit për t’i shpëtuar arrestimit.
Dyshimet
Gazetat ruke kanë aluduar se njeriu më i kërkuar nga autoritetet turke, dhe ato shqiptare, i cili ka mashtruar mbi 400 mijë klientë në Turqi, mund të jetë duke u mbajtur peng në Shqipëri dhe nuk dihet se për llogari të kujt. Mediat shtojnë se pasi është larguar në drejtim të vendit tonë, ai është ndihmuar nga persona të mafies të cilët mund ta kenë rrëmbyer dhe fshehur 27-vjeçarin. Sipas mediave turke, kjo është konfirmuar edhe nga burimet në policinë e Turqisë, të cilët prej disa ditësh kanë dërguar agjentë në Shqipëri që po punojnë së bashku me palën shqiptare për të bërë të mundur gjetjen dhe kapjen e të riut që ka tronditur vendin e tyre.
Përse kërkohet
I shumëkërkuari Faruk Fatih Özer përmes kompanisë Thodex, Faruk Fatih Özer, mashtroi qindramijë turq, të cilët investuan paratë e tyre, rreth 2 miliard dollarë në monedhë virtuale turke. Më pas Özer nëpërmjet motrës së tij bëri procedurat e nevojshme të falimentimit, deklaroi të mbyllur kompaninë dhe më pas u arratis drejt Shqipërisë. Policia shqiptare e cila po e kërkon Ozerin së bashku me 4 grupe të efektivëve që kanë mbërritur në vendin tonë nga Turqia, nuk ka lokalizuar ende vendndodhjen e të riut ndërsa edhe të arrestuarit për këtë rast, Altjon Canaj dhe çifti që e ka strehuar më herët në Tiranë, nuk kanë dhënë ndonjë informacion të vlefshëm për hetuesit.
