Gazetat serbe kanë shkruar sot lidhur me lirimin e Ramush Haradinajt nga Gjykata e Apelit në Francë.
“Politika”, e përditshmja më e madhe serbe, ka publikuar një artikull, ku shkruan se për lirimin e Haradinajt është përkujdesur zyra e ish-kryeministrit të Britanisë, Tony Blair. Sipas kësaj gazete, Cherie Blair ka një ndikim të madh tek bashkëshorti i saj, ndërsa zyra e saj “Matriks Chambers” është prej më të njohurave në botë.
Nuk dihet se ku bazohet kjo gazetë për këtë konkluzion, pasi mbrojtësja e Haradinajt ishte nga Parisi.
Edhe e përditshmja serbe “Kurir” ka sot na ballinë një artikull për Haradinajn. Ajo citon burime të veta dhe shkruan se gruaja e ish-kryeministrit britanik Tony Blair-it, Cherie Blair ka paguar një shumë të majme parash për lirimin e Haradinajt.
“Gruaja e Tony Blairit, pagoi të paktën 360 mijë euro që procesi i lirimit të Haradinajt nga drejtësia franceze të kryhet me sukses”, thuhet në artikull.
