Gjatë mbrëmjes së djeshme Napoli fitoi një ndeshje me shumë vlerë në përballjen kundër Genoas. Një sukses ky që u jep shpresa të kaltëreve të besojnë se mund të arrijnë titullin kampion. Diferenca që e mban larg tribunës së fituesit Napolin është vetëm dy pikë. Napoli është duke shkëlqyer, ndërsa Elseid Hysaj futbollisti shqiptarë nuk ka dhënë më të mirën e tij në ndeshjen e mbrëmshme.
Mbrojtësi shqiptarë është kritikuar për performancën e dobët që ka pasur mbrëmë kundër gjenovezëve. Në fund të takimit futbollisti shqiptar është vlerësuar me notën më të ulët 5.5, notë kjo e dhënë nga “Eurosport Italia”.
Në përshkrimin që i është bërë Hysajt për lojën është thënë: “Është fajtor për hapësirat e mëdha që lejoi për Hiljimark, të cilat suedezi i shfrytëzoi dhe se ka pak cilësi kur ai pozicionohet në sulm. Në fund të takimit u gjend në telashe nga presioni i Laxalt.”
