Çështja e emrit është akoma një problem midis Greqisë dhe Maqedonisë. Por duket se ky problem do të marrë se shpejti zgjidhje. “Maqedonia e Vardarit (Vardarska Makedonija)” do të jetë propozimi grek deri tek qeveria e Maqedonisë për zgjidhjen e çështjes së emrit, shkruan e përjavshmja greke ‘Realnews’.
Sipas gazetës, qeveria greke vlerëson se referenca gjeografike “Vardarit” do t’i hiqte të gjithë kërkesat irredentiste të palës maqedonase.
Sipas të përjavshmes, propozim alternative i palës greke mund të jetë edhe “Republika e Shkupit”, të cilin pala maqedonase e ka refuzuar në bisedimet e mëparshme.
