Mediat irzraelite i janë rikthyer edhe një herë sulmit të dy iranianëve. Kujtojmë këtu se ambasadori i Iranit dhe një zyrtar tjetër i këtij shteti u shpallën “non grata” nga kryeministri Rama.
Ndonëse nuk u dha një deklaratë zyrtare nga ana e qeverisë, në media u aludua se vendimi ishte marrë për shkak se dy zyrtarët po planifikonin sulme terroriste në vendin tonë. Me theks të veçantë tek media “The time of Izrael”, targeti i sulmit të dy iranianëve ka qenë kryeministri Benjamin Netanyahu, i cili rreth një muaj më parë anuloi dhe një vizitë zyrtare në vendin tonë.
Para një muaji u tha se kryeministri izraelit nuk kishte ardhur në Shqipëri, për shkak se kishte ndërruar jetë ministri i tij i Financave. Të gjitha këto kanë qënë zëra të pa vërtetë, pasi Netanyahu u shfaq pak ditë më pas në një takim me liderit e rajonit ballkanik, ku Edi Rama mungonte.
Nuk dihen detaje të tjera lidhur me këtë sulm, por mësohet se vetë kryeministri Benjamin Netanyahu ka përgëzuar vendimin e Ramës, për largimin e diplomatëve. Ai u shpreh se duhet t’iu jepet fund akteve komplotiste nga Irani.
“Lajm i rëndësishëm nga Shqipëria sot. Kryeministri Edi Rama ka dëbuar ambasadorin Iranian në Tiranë. Me këtë veprim Rama u ka dërguar një mesazh të qartë regjimit islamik radikal Iranian – që komplotimi i sulmeve terroriste ka kosto.
Izraeli qëndron përkrah Shqipërisë dhe çdo shteti që e sheh regjimin Iranian ashtu siç është: Rreziku më i madh për paqe dhe siguri në botë”, shkruante dje në Twitter kryeministri Izraelit.
