Në 7-vjetorin e ndarjes nga jeta, të Bekim Fehmiut, mediet serbe e kujtojnë atë për vlerat, talentin, por edhe pamjen e tij fizike, duke e quajtur shqiptarin, “jugosllavi me bukurosh”.
Gazeta “blic”, teksa kujton rolin e Beli Bora nga “Mbledhësit e puplave, rol i cili u përkujtua edhe në festivalin e Cannes, pak ditë më parë.
Sipas kësaj gazete, Fehmiu ishte artist jugosllav-serb me origjinë shqiptare. Ka qenë jugosllav krenar që asnjëherë s’e harroi origjinën e vet, thotë “blic” .
“U rrit në familje patriarkale. Nëna e artistit ishte amvise e babai i tij gjithë jetën ia kushtoi arsimimi të popullit shqiptar. Për këtë arsye ai shpesh ishte në konflikt me autoritetet ndaj dhe familja Fehmiu duhej të shpërngulej, nga Gjakova në Sarajevë, pastaj në Shkodër e në Prizren ku u bë adresa e përhershme e saj”, evidenton “blic”.
Në vitet ’60, ai arriti majat në karrierën kinematografike, fillimisht në Jugosllavi.
Roli në filmin “Ne ubij” (Mos vrit) 1961, shënohet si roli i tij i parë, e pesë vjet më pas luajti Halil-begun në “Roj” (Mizëria) . Për këtë rol u shpërblye në Festivalin e filmit jugosllav, në Pulë.
Një vit më vonë shkëlqeu në filmin “Mbledhësit e puplave”, si Beli Bora, roli i tij më i theksuar.
Bekimi ka luajtur në gjithë Europën. Më i njohur ka qenë në kinematografinë italiane. Ka bashkëpunuar me vite me regjisorin italian Dino de Laurentis, por edhe me regjisorë e emra të tjerët të njohur si John Huston, Olivier de Heviland, Ava Gardner, Dirck Bogard, Charles Aznavour .
Përveç talentit të madh, theksohej edhe bukuria e tij dhe për të thuhet të ketë qenë “artisti ynë më i bukur”, shkruan “blic”.
Për Bekim Fehmiun filmi kurrë nuk ishte mjaft. Megjithatë në vitin 1987 ai vendosi të pushojë së aktruari. Jo-ja e tij ishte protestë e zëshme kundër propagandës antishqiptare të asaj kohe.
