Ministri i Transportit u thirr këtë të premte në Ambasadën Amerikane. Kjo është deklarata e gazetarit Lorenc Vangjeli, i cili tha se ministri ka shkuar në ambasadë herët në mëngjesit, pas publikimit të skandalit me kompaninë DH Albania.
I ftuar në emisionin “Java” në RTSH, Vangjeli tha se Gjiknuri ka dorëzuar në Ambasadë një dosje voluminoze me qëllim zbardhjen sa më parë të së vërtetës për kompaninë DH Albania, fituese e tenderit 18 milion euro për ndërtimin e lotit të parë te “Unaza e Re”.
“Dje në mbrëmje janë bërë disa veprime, e para është bllokuar Loti i parë, nuk do të ketë asnjë lëvrim fondesh, e dyta është që prokuroria nisi hetimet. Në këtë histori ka ndërhyrë edhe ambasada amerikane. Sot në mëngjes Gjiknuri ka dorëzuar një dosje voluminoze në ambasadë për të ndihmuar sa më parë zbardhjen e kësaj historie”, ka deklaruar Vangjeli.
