Pas publikimit të audio përgjimeve dhe xhirimet të këtyre pamjeve në çdo media, siç duket, drejtoresha e gjimnazit “Sami Frashëri”, Teuta Dobi, e ka parë të udhës që të justifikohet.
Këtë e ka bërë përmes një postimi në rrjetin social Facebook, si për të mbuluar gjurmët e terrorit që ushtroi mbi nxënësit, duke i penguar të merrnin pjesë në marshimin drejt Ministrisë së Arsimit.
Ajo, me anë të një postimi të detajuar, thekson që në krye të herës se gjatë 23 viteve karrierë, është përpjekur për rritjen e nivelit arsimor të nxënësve, dhe realizimin e objektivave që ata kanë.
Ndër të tjera, Teuta Dobi thekson se përpos detyrimeve ligjore, si drejtuese e një institucioni arsimor, ajo ka edhe detyrime morale karshi nxënësve dhe prindërve të tyre.
