Ish-kreu i Gjykatës së Apelit, Metush Saraçi ka dhënë dorëheqjen. Kjo dorëheqjen vjen në një moment kur ishte në listën e gjyqtarëve të cilët do t’i nënshtroheshin Vettingut.
Report Tv ka mësuar se dorëheqja e Saraçit është bërë në fillim të muajit nëntor. Kërkesa i është depozituar KLD-së dhe Komisionit të Pavarur të Kualifikimit. Metush Saraçi ka mbajtur postin e kreut të Gjykatës së Apelit deri në 2011. Pas mbarimit të mandatit, ai u zëvendësua nga Alaudin Malaj.
Nga burime pranë KLD-së, mësohet se Saraçi e ka dhënë dorëheqjen duke e argumentuar me arsye personale.
Jo zyrtarisht nga KPK, flitet se ai ka probleme me pasurinë dhe karrierën e tij në sistemin e drejtësisë.
Sa i takon Komisionit të Vettingut, pas listës prioritare të kandidatëve për Këshillin e Lartë të Prokurorisë dhe atë Gjyqësor, do të kalojë në sitë gjyqtarët e apeleve duke nisur nga Tirana.
