Real Madrid nuk ndalet së fituar tituj, pasi së fundmi ka fituar për të tretën herë radhazi Botërorin e Klubeve. Madrilenët mposhtën me rezultatin e thellë 4-1 skuadrën arabe Al Ain. Por edhe pse duhet të ishte një festë për lojtarët, kjo fitore nuk ka rezultuar e tillë. Në përfundimin e ndeshjes ka pasur një përplasje mes Luka Modric dhe Lucas Vasquez, në sy të të gjithëve.
“Më paso një dreq topi, ti kroat m..i!”, janë fjalët e artikuluara nga Lucas Vazquez në adresë të Modric. Gjithçka e filmuar dhe më pas e evidentuar falë ekspertëve të leximit të buzëve. Nuk është ende e qartë nëse debate mes të dyve kishte prapaskenë humori, sikurse është munduar ta kanalizojë Real Madrid, që u kujdes të fshijë nga rrjeti të filmimet e episodit.
