Dy pronarë biznesesh janë konfliktuar ditën e sotme në qytetin e Elbasanit. Mësohet se ngjarja ka ndodhur në porëtn hyrëse të lagjes “Kala”. Dy bizneset janë afër njëri-tjetrit dhe mësohet se njëri prej tyre është hapur së fundmi.
Shkak i konfliktit ka qenë marrja e klientelës nga biznesi i ri.
Si pasojë e sherrit ka mbetur i plagosur njëri prej pronarëve, i cili është dërguar në spitalin e Elbasanit për të marrë ndihmë mjekësore.
Sipas pamjeve, në vendin e ngjarjes shihen gjurmë gjaku.
Policia me të mbërritur në vendngjarje ka bërë shoqërimin e njërit prej personave dhe në vijim pritet të marrë dëshmitë e tyre mbi shkaqet e konfliktit që gjeneroi në përdorimin e dhunës fizike.
