Conor McGregor është kthyer në një idhull në Irlandë, pas dy trofeve kampion bote në UFC dhe supermeçit me boksierin Floyd Mayweather. Tashmë në drejtim të tij ka ardhur një ftesë edhe pse në mënyrë indirekte për t’iu futur politikës. Ka qenë pikërisht kryeministri i Irlandës, Leo Varadkar, i cili pas një takimi me ikonën e filmave aksion Arnold Schwarzenegger.
Ky i fundit pasi u largua nga ekrani iu dedikua politikës dhe ishte mjaft i suksesshëm, duke arritur të bëhet edhe Guvernator i Kalifornisë. Por ai mund të mos jetë i vetmi që bën një kapërcim të tillë në karrierë, pasi edhe Conor McGregor, kampion bote në artet marciale mikse, mund të ndjekë gjurmët e ikonës së kinematografisë hollivudiane.
I bindur në këtë është pikërisht kryeministri irlandez, që pas takimit me Schwarzenegger tha: “Të ardhmes nuk i dihet asnjëherë, shpesh ndodhin gjëra të çuditshme. Sapo takova Arnold Schwarzenegger, një aktor i filmave me aksion, plot muskuj dhe më pas pati një karrierë në politikë. Ndaj, çdo gjë është e mundur në të ardhmen edhe për McGregor, mund të bëhet një politikan i mirë”, tha Kryeministri i Irlandës, Leo Varadkar.
