McGregor-Mayweather, projektohet revanshi 500 milionë dollarësh

Revanshi i McGregor… thashethemi më i pëlqyer nga bota e boksit ka dalë në qarkullim nga “kanalet” e rangjeve drejtuesve të Federatës Botërore të Arteve Marciale Mikse “MMA”. Bujën më të madhe nuk e bën përballja e dy kampionëve, por është shifra që janë gati të grumbullojnë sponsorët ajo që ka tronditur ambientin dhe mund të tundojë seriozisht dhe mbi të gjitha Mayweather, i cili në dhjetor të vitit 2017 konfirmoi daljen në pension.

Këta dy luftëtarë u ndeshën në gushtin e kaluar në Las Vegas, kur Conor McGregor u ndal në raundin e 10-të të ndeshjes së tyre të boksit, disiplina e preferuar e Mayweather. Ky i fundit, edhe pse pranoi se vuajti goditjet e shpejta në dy-tre raundet e para të kampionit të arteve marciale, në fund, amerikani e komplimentoi McGregorin dhe u shpreh i lumtur për këtë duel, nga i cili Mayweather fitoi mbi 300 milionë dollarë, ndërsa irlandezi mbi 100 milionë.

Por, nëse revanshi do të vihet në skenë, atëherë mendohet se për këtë sfidë do të jetë shumë e lehtë që të grumbullohet një shifër prej 500 milionë dollarësh, një çmenduri duke menduar zerot e shumta që do të fusnin në xhepat e tyre dy sportistët në fjalë, por me një kusht…

Këtë herë, ai që do të ndryshojë, do të jetë “terreni” i sfidës. Nëse në Las Vegas u garua në ring dhe me doreza boksi, abitati i Floyd Mayweather, këtë herë dueli do të transferohet në “kafaz” në shtëpinë e Conor McGregorit. Madje, ka zëra që nënvizojnë se boksieri amerikan ka nisur të përgatisë terrenin duke qenë se Mayweather kohët e fundit është shfaqur në kafaz duke provokuar McGregorin.