Edhe pse është në pritje të një vendimi që Komisioni i Sportit në Nevada do të marrë më 29 janar, kampioni irlandez i arteve marciale mikse Conor McGregor mendon për rikthimin e tij në kafaz. Dhe përmes një postimi në faqen e tij zyrtare në “Twitter”, irlandezi ka deklaruar se synon të duelojë ndaj japonezit Tenshin Nasukawa.
Nasukawa është sportist i kickboxing, që më 31 dhjetor u përball me Floyd Mayweather, në një duel “show” në Japoni dhe u mund me “KO” që në raundin e parë. “Dua të shkoj në Tokio dhe të dueloj në një duel në artet marciale mikse me Tenshin Nasukawa”, thotë McGregor.
I wish to go to Tokyo to face Tenshin Nasukawa in a Mixed Martial Arts exhibition bout.
Before this summer.
Please arrange this, this instant.
Yours sincerely
The champ champ. @ufc @ParadigmSM— Conor McGregor (@TheNotoriousMMA) January 7, 2019
“Dua që ky duel të zhvillohet para sezonit veror. Ju lutem, realizojeni këtë sfidë, në këtë moment. Sinqerisht i juaji, kampioni i kampionëve”, thoitë irlandezi, ish-kampion bote në dy pesha të ndryshme në UFC.
Nuk dihet nëse Conor McGregor e ka seriozisht këtë kërkesë. Nga sfida mes Mayweather dhe Nasukawa, boksieri amerikan arkëtoi 9 milionë dollarë, në një duel “show” ku ai e mposhti shumë lehtësisht rivalin japonez. Ndoshta edhe McGregor kërkon të “mbushë xhepat” nga kjo sfidë.
