Conor McGregor ka thyer heshtjen pas humbjes ndaj Khabib Nurmagomedov në UFC 229, duke thënë se ai thjesht nuk u trajnua sa duhej për këtë ndeshje. Në të vërtetë, Conor sqaroi çdo gjë gjate ndeshjes dhe e quajti Raundin 2, “raundin më të keq të karrierës së tij”.
Raundi 1.
“Unë besoj nga një pikëpamje sportive, raundi i parë ishte i tij. Ai mori atë që donte duke e çuar luftën në tapet dhe pranë gardhit rrethues. Ndërsa nga pikëpamja e luftës është i imi, pasi kishte bërryla në kokë dhe gjuajtje në kokë e shtyllën e ulët. Kundërshtari gjatë gjithë raundit thjeshtë bllokoi këmbët dhe më mbajti ngjitur me gardhin”.
Raundi 2.
“Ai po rrotullohet nëpër kafaz deri në momentin që mori rrjedhën e raundit me atë grusht. Ishte një goditje e bukur. Pas goditjes unë u tërhoq për t’u rikthyer në çast, por përsëri ai qëndroi lart dhe nuk më la të shkëputem. Ky është sport dhe kjo ishte një lëvizje e mençur që çoi në një raund dominant, kështu që nuk ka problem. Po luhet mirë.
Por ky është një sport që duhet të luftohet dhe jo të qëndrosh në tapet duke u mundur. Unë e lash ndeshjen e lirë dhe nuk po mbrohesha, madje nuk po dëgjoja as trajnerët. U besoja aftësive të mija, pasi unë i besoj vetes dhe jam mjeshtër në këtë sport, e duhet ti marr vetë vendimet e mia.”
Raundi 3.
“Pas raundit më të keq të karrierës sime luftarake, unë kthehem dhe fitoj këtë raund, përsëri duke ecur përpara, duke e përshëndetur dhe duke u angazhuar.”
Raundi 4.
“Rimëkëmbja ime nuk ishte aty ku duhet të ishte, kjo është faji im. Megjithëse fitova shkëmbimet e hershme në këtë raund, ai ulet sërish dhe përfundoj në një pozitë të keqe. Unë bëra një gabim duke braktisur pozicionin e parë që kisha dhe i tregova atij shpinën e cila rezultoi fatale për duelin.
“Çfarë mund të them, ishte një luftë e madhe dhe ishte kënaqësia ime, unë do të kthehem me besimin tim të lartë, plotësisht i përgatitur, në qoftë se nuk ndodh revanshi menjëherë, nuk ka problem. Shihemi së shpejti tifozët e mi”.
