Senatori amerikan, John McCain, pas takimit që pati me përfaqësues të shtetit të Kosovës, iu drejtua në një fjalim Parlamentit.
Fjalimin e tij ai zgjodhi ta fillojë me një përkujtim për Nënë Terezën.
“Para 24 vitesh, gruaja ime ishte në Bangladesh dhe po vizitonte jetimoren e Nënës Terezës, e cila erdhi me dy foshnja dhe na tha, merrni foshnjat ose ato të dy do të vdesin. Dy foshnjat kishin sëmundje vdekjeprurëse, njërën e adoptoi një familje dhe njërin fëmijë e kemi ne, vajzën tonë që e duam shumë dhe e cila na ka pasuruar jetën. Jam këtu, sot, pasi vizitova disa shtete dhe pas qëndrimit tim shumë të shkurtër këtu, do të shkoj në Shqipëri. Përkushtimi i SHBA-së mbetet i hekurt, Kosova është e fortë demokratike dhe shumë etnike, është pjesë e familjes evropiane”, ka thënë McCain.
Gjithashtu, senatori amerikan ka thënë se nganjëherë edhe në Washington ka mospajtime, por, ka theksuar se anëtarët e Kongresit në SHBA, janë të përkushtuar për të punuar me shqiptarët. Përkushtimi i SHBA-së për Kosovën ka qenë apartiak gjithmonë dhe nuk ka ndryshuar. Sot ndjehem krenar që para jush, për herë të parë pas pavarësisë, jam dëshimtar i arritjeve tuaja. Para 9 vitesh, Kosova miratoi Kushtetutën, u njoh nga më shumë se 100 vende, u anëtarësuar nga organizata të ndryshme ndërkombëtare dhe ka arritur përparim në integrimin drejt BE-së, integrimin e serbëve dhe normalizimin e marrëdhënieve përmes BE-së”, ka shtuar McCain.
