Të tjera detaje kanë dalë në drite në lidhje me ngjarjen e rëndë të ndodhur në Durrës, ku një 77-vjeçare u gjet e mbytur në pus, në banesën e tyre private .
Sipas dëshmisë së dhenë nga bashkëshorti i saj, dyshohet se e moshuar mund të ketë rënë aksidentalisht në pus.
I moshuari në një gjendje të rënduar psikologjikisht ka thënë se jetonin vetëm të dy, si çdo dite bashkëshortja është ngritur herët për të bërë ato pak punë shtëpie, por duke qene se kemi mungesë uji, ajo ka shkuar të mbushë kovën në pus.
I moshuari ka thënë ndër të tjera se dyshon që të shoqen e ka tërhequr kova drejt pusit, ndërsa ai e ka gjetur pak orë më vonë.
“E gjeta në mëngjes të mbytur në pus. Kishte nisur të bënte punët e shtëpisë . E thërrisja nëpër shtëpi, kur pashë pusin të hapur mbeta pa frymë”,- ka thënë i moshuari.
Ndër të tjera ai ka treguar se bashkëshortja 77-vjeçare vuante nga diabeti dhe skleroza. “Jetonim të vetmuar, se fëmijët i kemi në emigrim. Më prehu krahët”,- ka thënë i prekur i moshuari./BË/
NJOFTIMI I POLICISE
Më datë 14.04.2018, rreth orës 08:20, në lagjen Nr.18 Durrës është gjetur nga familjarët e mbytur në pus, në banesën e saj private shtetësia S. M. 77 vjeçe. Grupi hetimor po punon për zbardhjen e rrethanave të ngjarjes.
