Procesi i votimit në Institucionin e Ekzekutimit të Vendimeve Penale në Drenovë, në Qendrën e Votimit 3707/1, ka përfunduar. Nga 221 të burgosur me të drejtë vote, kanë ushtruar të drejtën e tyre 176 persona.
Sipas përditësimit më të fundit nga Komisioni Qendror i Zgjedhjeve, pjesëmarrja në votime në nivel kombëtar deri në orën 13:00 është regjistruar në 27.09%.
Këto të dhëna janë bazuar në raportimet e 3331 prej gjithsej 5225 qendrave të votimit në vend. Deri në këtë moment, kanë votuar 607,717 qytetarë nga një total prej 2,243,676 zgjedhësish të regjistruar në këto qendra.
Qarku me nivelin më të lartë të pjesëmarrjes është Tirana, me 30.85%, e ndjekur nga Dibra me 30.31% dhe Kukësi me 28.44%. Ndërkohë, Vlora shënon pjesëmarrjen më të ulët me vetëm 19.26%.
