Shiriti i kapitenit të Portugalisë, Kristiano Ronaldo, është shitur të premten në ankand për shifrën e 64 mijë eurove.
Të ardhurat që do të shkojnë për bamirësi, për të paguar kurat mjekësore të një fëmije serb 6 muajsh, i cili është prekur nga atrofia muskulore e shtyllës kurrizore.
“Sapo u mbyll ankandi me shifrën e shkëlqyer të 7.5 milionë dinarëve për shitjen e shirit të kapitenit Kristiano Ronaldo për qëllime humanitare”, njoftoi në “Twitter” Jovan Simiç, themeluesi i organizatës.
Ky shirit u hodh nga sulmuesi i zemëruar në fushë në fundin e ndeshjes Serbi-Portugali në Beograd, pasi nuk iu akordua një gol i rregull në minutat e fundit të ndeshjes.
Cristiano Ronaldo’s captain’s armband ended up raising €64,000 for six-month-old Gavrilo Djurdjevic from Serbia, who is suffering from spinal muscular atrophy ❤️ pic.twitter.com/cA3gXTg5Mn
— ESPN FC (@ESPNFC) April 2, 2021