Pas përballjes në kafaz e cila përfundoi me fitoren e rusit dhe më pas një përleshje masive mes dy skuadrave, Khabib Nurmagomedov dhe Conor McGregor janë pezulluar. Ata janë në pezullim të përkohshëm nga Komisioni i Sportit në Nevada. Komisioni ka shtyrë marrjen e një vendimi përfundimtar më datën 10 dhjetor, kur dhe do të ballafaqohet me të dy sportistët, që do të justifikojnë veprimet e tyre.
Vendimi i parë i këtij komisioni ishte pezullim pa afat për të dy luftëtarit dhe pinit iu mbajt gjysma e parave që ftoi nga deshj, pra mori 1 nga 2 milionë që vente përbal. Ndërsa pjesa tjetër e shpërblimit është ende peng i hetimeve. Vendimi i Komisionit është i rëndësishëm për të ardhmen e të dy sportistëve, sidomos për rusin.
Nurmagomedov mund të pësojë një pezullim të gjatë dhe humbasë titullin kampion bote të peshës së lehtë që e fitoi në prill të këtij viti dhe më pas e mbrojti atë ndaj McGregor. Por rusi ka deklaruar sot se nuk ka ndërmend të udhëtojë në Amerikë dhe të dalë para komisionit, duke arsyetuar edhe këtë vendim që ma marrë.
“Më 10 dhjetor ata do të mblidhen sërish dhe do të më kërkojnë, por unë nuk do të shkoj. Unë mbrojta familjen, fenë dhe vendin tim. Nëse ata dëshirojnë të më ndëshkojnë le ta bëjnë. Le t’i marrin të gjitha paratë që kam fituar dhe të më dënojnë edhe 10 vjet. Nuk ka asnjë rëndësi për mua. Unë jam i pafajshëm. E nisa dhe e mbylla duelin si burrë, unë e fitova duelin brenda rregullave të lojës. Pas duelit unë i tregova McGregor atë që ai kishte bërë për disa muaj me radhë para sfidës”, tha Khabib Nurmagomedov gjatë një interviste.
