E shkruar në nëntor 1986 gjatë vizitës së saj shtetërore, mbretëresha e ndjerë urdhëroi në udhëzimet e saj drejtuar Lordit të Bashkisë së Sydney: “Përshëndetje. Në një ditë të përshtatshme për t’u përzgjedhur nga ju në vitin 2085 pas Krishtit, ju lutem hapeni këtë zarf dhe përcillni te qytetarët e Sidneit mesazhin tim për ta”. Kjo është firmosur nga “Elizabeth R”.
Për gati 36 vjet, letra e vulosur ka qenë e mbyllur në kasafortën e ndërtesës së Mbretëreshës Victoria, e cila u inaugurua në 1898 për të festuar jubileun e diamantit të Mbretëreshës Victoria.
Sipas 7 News, shënimi interesant “ndodhet brenda një kuti xhami në një zonë të kufizuar, dhe askush nuk e di se çfarë thotë letra – madje as stafi personal i Mbretëreshës”.
“Elizabeth, e cila u bë mbretëreshë në vitin 1952, vizitoi Australinë 16 herë – herën e parë vetëm dy vjet pasi u kurorëzua. Ajo ishte vetëm 27 vjeç – dhe monarkja e parë në fuqi që vizitoi Australinë. U vlerësua se rreth një milion njerëz dolën në Sydney”, shtoi më tej agjencia australiane e lajmeve.
Burimi i lajmit: Geo News. Përshtatur nga Tirana Today
