Mbreti Charles III pritet t’i drejtohet kombit për herë të parë si sovran më vonë, pas vdekjes së nënës së tij, Mbretëreshës Elizabeth II.
Monarku më jetëgjatë i Britanisë vdiq në mënyrë paqësore, e rrethuar nga familja e saj, në Balmoral të Skocisë të enjten.
Mbreti është rrugës për në Londër, ku më vonë do të takohet edhe me kryeministren Liz Truss.
Përshëndetjet me armë do të dëgjohen dhe kambanat e kishave kanë filluar të bien. Qytetarët kanë udhëtuar për të lënë lule, mesazhe falënderimi dhe ngushëllimi për Mbretëreshën dhe Familjen Mbretërore.
Këmbanat e Katedrales së Shën Palit, Westminster Abbey dhe Kështjellës Windsor ranë në mesditë në shenjë nderimi për jetën dhe shërbimin e saj.
Një përshëndetje me armë në Hyde Park të Londrës është organizuar për orën në vijim, me 96 fishekë për të shënuar çdo vit të jetës së saj për të qëlluar rreth orës 13:00.
Do të ketë një shërbim përkujtimor në St Paul’s në orën 18:00, ku do të marrë pjesë kryeministrja Liz Truss dhe ministra të tjerë të lartë.
Burimi i lajmit: BBC. Përshtatur nga Tirana Today
