Në listën e kandidatëve për zgjedhjet e 25 qershorit, përvec shumë deputetësh të tjerë nuk është përfshirë as Arbiola Halimi.
Menjëherë pas zyrtarizimit të listave, deputetja ka reaguar me anë të një postimi në profilin e saj në Facebook, por pa hatërmbejtje. Ajo thekson se beteja e saj për një Shqipëri të lirë do të vijojë, edhe jashtë parlamentit.
“Falenderoj gjithë mbeshtetësit e mi. Beteja ime për një Shqipëri të lirë vazhdon. Jam krenare për betejën që kam bërë. E drejtë dhe me dinjitet. Ju falenderoj të gjithëve!”, shkruan ajo.
Jashtë listës u lanë edhe figura ndër më të rëndësishmet në historikun e kësaj partie si, Jozefina Topalli, Majlinda Bregu, Ridvan Bode, Astrit Patozi, Eduard Selami, të konsideruar si zëri ndryshe brenda PD-së lidhur me aksionin politik të Bashës, apo edhe për çështje të tjera brenda partisë .
