Ka mbërritur në Prokurorinë e Krimeve të Rënda babai i Kostandinos Kacifas, Jani Kacifas. Babai i 35-vjeçarit i cili u vra pas shkëmbimit të zjarrit me forcat RENEA ishte i shoqëruar nga avokati.
Prokuroria e Krimeve të Rënda është përfshirë në ngjarjen e Bularatit. Pak ditë më parë gjatë shkëmbimit me armë zjarri ndaj policisë u vra shtetasi Konstandinos Kotsifa. Përveç Prokurorit të Krimeve të Rënda Njazi Seferi është angazhuar edhe prokurori i Gjirokastrës Arben Pashaj, për dyshimet se bëhet fjalë për veprën vrasje e ngelur në tentativë për shkak të cilësive të veçanta të oficerëve të policisë.
Një ditë më parë, “Protothema” shkruante se Jani Kaçifas, babait të Konstantinos, i është kërkuar nga Prokuroria shqiptare që të depozitojë një kërkesë me shkrim për të marrë trupin e djalit të tij.
Që para dy ditësh në këtë çështje ka ndërhyrë dhe prokurori i Shkallës së Parë të Athinës, Vangjeli Loanidhis. Ai ka marrë dosjen e Kaçifas, ku kanë dëshmuar nëna dhe babai i viktimës dhe një polic.
