Ndërse mediat shqiptare transmetojnë dërgimin e trupit të Konstandinos Kacifas tek familja, mediat helene janë të interesuara për diçka tjetër.
Në mediat greke Konstandinos Kacifas po trajtohet si ‘hero lufte’ duke dashur t’i japin viktimës statusin e ushtarakut që u vra për atdheun e tij.
Një pikturë ku Kacifas shihet se është përbri me ushtarë të Luftës së Dytë Botërore dhe një vajzë e vogël që valëvit flamurin e Greqisë.
Të gjitha mediat transmetuan sot se trupi Konstandinos Kacifas ishte veshur më rroba ushtarake dhe do behët gjithçka që ai të varroset si ‘Hero Lufte’.
Piktura është bërë nga ilustratori i librave të fëmijëve dhe piktori Spyridon Zacharopoulos, i cili e përshkruan 35-vjeçarin me njollat e gjakut, pas ushtarëve grekë të viteve 1940-1941 dhe me një vajzë të vogël që mban flamurin grek në dorë.
Imazhi u bë viral në mediat sociale, kjo foto u shpërnda në shumë grupe të Epirit të Veriut duke e përdorur atë si një ‘flamur’ në protestat e tyre në Athinë.
Imazhi iu paraqit familjes së të ndjerit të martën në mëngjes dhe u var në muret e shtëpisë së tij në Bularat.
Në foto të tjera shihet nëna që është poshtë kësaj pikture e cila vajton për djalin e saj. Përkrah pikturës shihen edhe dy ikona të besimit ortodoks.
“Katsifas u qëllua për vdekje nga forcat e sigurimit shqiptar më 28 tetor, kur ai u përpoq të ngrinte një flamur grek si pjesë e festimeve për Ditën Kombëtare Greke. Një përleshje pasoi me policinë shqiptare që e bëri atë të përdorte armë pas kërcënimeve ndaj tij, që më pas rezultoi në një luftë me armë dhe vrasjen e tij”, shkruan media greke duke dashur ta paraqes si ‘hero lufte’. TIRANA TODAY
