Teknologjia pritet ti japë fund korrupsionit! Avancimet e saj pritet të tundin nga themelet elitën e pushtetshme.
Rastet se si teknologjia po vepron në vendet e zhvilluar kanë qenë të frytshme. Tashmë pritet që radhën ta ketë edhe Shqipëria. Organizata në vende të ndryshme ku korrupsioni është në nivel të lartë po përdorin dronë anti-korrupsionin.
Por, a do adaptohet një teknologji e tillë nga vendi ynë? Në kuadër të Reformës në Drejtësi shumë gjyqtarë dhe prokurorë janë shkarkuar nga detyra. Ndërsa Vettingu, po vijon ende në radhë të tyre.
Por droni anti-korrupsion pritet të thotë fjalën e tij në të ardhmen e afërt. Ende në vendin tonë nuk ka zëra për ngritjen e një teknologjie të tillë. Ndërsa të gjitha gjasat për adaptimin e kësaj teknologjie janë të hapura.
Fluturimi me dron mbi pronat luksoze të zyrtarëve me paga të ulëta por me jetë luksi do i nxjerri zbuluar. Droni pritet të rrëzojë deklarimet e tyre të pasurisë se; kanë gjithçka në përputhje me ligjin.
Kamerat e dronit janë shumë më të fuqishme dhe filmimet e tyre vështirë të injorohen. Ato asqë kanë të krahasuar me hetimet tradicionale gazetareske.
Pas realizimit, filmimet disa minutëshe u dërgohen agjencive të lajmeve ose autoriteteve të zbatimit të ligjit.
Shembull
Në periferi, jashtë Kievit, ku terreni vijon me një fushë të papërshkrueshme, quadricopteri (Droni) vjen rrotull rezidencës së elitës, ku mendohet se një gjykatës ukrainas ka një pronë me një vlerë të madhe që i tejkalon të ardhurat e deklaruara prej tij zyrtarisht.
Pa mbledhjes me kujdes të provave, fotografive dhe videove të pasurisë mbresëlënëse, pajisja kthehet në mënyrë të sigurt dhe pa zhurmë në makinë. Pajisja nuk i jap asnjë mundësi rojës së hutuar të rezidencës të njoftojë policinë.
Në selinë e Prosud-it, drejtoresha Kateryna Butko shpjegon sa të rëndësishëm janë bërë dromët. Ndërsa shumë organizata të tjera të ngjashme qytetare të Evropës Lindore dhe një pjese të Azisë Qendrore janë aktive.
“Një ndërtesë e fotografuar nga jashtë nuk krahasohet me pamjet apo fotografitë e dronit që fluturon mbi të. Ne shohim se nuk ka vetëm një mur të lartë, por edhe një pishinë, një fushë tenisi dhe shumë më tepër”, thotë Butko.
Kujtojmë se Prosud-it është organizatë e shoqërisë civile që nxit transparencën në sistemin gjyqësor të Ukrainës./TIRANA TODAY/
