Kylian Mbappe është gati për të shtuar përgjegjësitë tek PSG dhe është duke bërë gati hapin e madh për të marrë numrin 7. Adoleshenti që dikur kishte idhull Cristiano Ronaldon sot shpreson që jo ta zëvendësojë atë, por ta tejkalojë atë në sukseset e arritura. Mbappe është shprehur se numri nuk kishte shumë rëndësi deri tani, por duke parë që e kanë mbajtur shumë legjenda, ai beson se do të jetë një përgjegjësi më e madhe dhe një motivim për të.
“Mendova për një kohë të gjatë se numri nuk ishte i rëndësishëm, ishte vetëm fusha që të kishte rëndësi, por kjo lidhet ambiciet tuaja dhe lojtarin që dëshironi të jeni”, tha Mbappe në faqen e klubit.
“Unë do të vazhdoj të punoj për tu përmirësuar më shumë dhe mendoj për mua se ishte koha e duhur për të ndryshuar numrin, mendoj se është një lloj afirmimi, numri 7 është një numër legjendar, ka shumë lojtarë të mëdhenj që e kanë veshur atë.
Unë do të vazhdoj të punoj për tu përmirësuar dhe për të parë se ku mund të arrij, por me një numër të tillë e fillojmë më mirë! Unë erdha në Paris Saint-Germain për të lënë shenjë, ka një histori të bukur për të shkruar dhe kjo është vetëm fillimi. Jemi përsëri këtu për të bërë mirë dhe shpresoj që do të jemi në gjendje të bëjmë gjëra të mëdha së bashku.”
Mbappe mbante veshur fanellën me Nr.10 për Francën në Kupën e Botës ku tregoi se ka një klas të madh, duke shënuar katër gola në shtatë ndeshje dhe Franca fitoi turneun për herë të parë që nga viti 1998, para se ai të lindte.
