Paris SG ka zyrtarizuar marrëveshjen me Monacon për futbollistin Kylian Mbappe. Ish-kampioni 18 vjeçar me Monaco-n, është pjesë e kryeqytetasve që sot.
Për një vit Mbappe ka kaluar në formë huazimi te Paris SG, ndërkohë që vitin e ardhshëm parizienët do të paguajnë 180 mln euro për blerjen përfundimtare të futbollistit. Adoleshenti do të nënshkruajë një kontratë 5-vjeçare me klubin e ri.
Dy klubet kishin rënë dakord me kohë për Mbappen, por zyrtarizimi po vonohej për shkak të hetimit që “Uefa” po kryente ndaj Paris SG për shkeljen e “Fair Play Financiar”. Megjithatë ai është lojtari i dytë më i shtrenjtë në merkaton e transferimeve.
Për dy blerjet më të shtrenjta të kësaj merkato klubi parisien ka paguar 402 mln euro. Për të justifikuar investimet presidenti i Paris ka kërkuar që futbollistët t’i sjellin trofeun e “Champions League” në “Parc des Princes”.
