Ish-kryeministri i Italisë, Matteo Renzi dha dorëheqjen si kryetar i Partisë Demokratike. Në një konferencë për median menjëherë pas humbjes dramatike në zgjedhjet që u zhvilluan një ditë më parë Renzi ka marrë përgjegjësitë për rezultatin e partisë së tij. Ai tha se do të jetë një senator i thjeshtë i Firences.
Renzi pranoi se do jetë në opozite dhe nuk do të bëjë asnjë koalicion përtej atyre që ka thënë në fushatë. Renzi theksoi se ka ditur të thotë po kur ka qenë primar interesi i Italisë, por dhe të thotë jo kur i është kërkuar që të jetë pjesë e grupimeve politike që janë përtej idealeve të partisë së tij.
“Do të bëj senatorin e thjeshtë i Firences, jam shumë i nderuar që të bëj këtë punë. PD do të qëndrojë në opozitë. Ne do t’i kthejmë çelsat e shtëpisë në një shtëpi që është shumë më e mirë dhe më e mbajtur. Ne jemi krenar për rezultatet që kemi arritur. Për punën që kam bërë për 15 vite me radhë. Në 4 vite PBB është rriture me 4 për qind. Ne do të bëjmë tifo për ata që mendojnë se qeverisin më mirë, nëse ata do të qeverisin vërtet më mirë.
Nuk do të jemi aspak kundra mazhorancës së re, nuk do të përhapim lajme të rreme apo të jemi kundra reformave qe do të marrë mazhoranca që do të qeverisë. E kemi thënë në fushatë elektorale dhe e themi dhe sot, nuk mund të bashkëpunojmë dhe të bëjmë koalicione përtej ideve që kemi thënë. Ne dimë të themi po por dimë të thermi dhe jo”, deklaroi Renzi.
