Gjatë kontrollit të territorit nga Shërbimet e Komisariatit të Policisë Mat sekuestrohen, në një banesë të braktisur, 7.2 kg lëndë narkotike e dyshuar Cannabis Sattiva.
Në zbatim të planit të masave për evidentimin dhe goditjen e sigurimit të farërave për kultivimin e bimëve narkotike, policia ka ushtruar kontrolle në territor dhe ambiente të ndryshme, në njësinë Administrative Baz, në fshatin “Lek Hot”.
Si rezultat i kontrolleve, në një banesë të braktisur, është gjetur dhe sekuestruar një sasi lëndë narkotike në formë boçeje, e dyshuar Cannabis Sattiva, si dhe disa bimë narkotike: degë e kërcej në proces tharjeje.
Pas peshimit rezultoi se pesha e saktë ishte 7 kilogramë e 200 gramë lëndë e bimë narkotike në proces tharjeje.
Lënda dhe bimët narkotike janë sekuestruar në cilësinë e provës materiale.
Vijojnë hetimet për të identifikuar dhe kapur autorët e implikuar në këtë veprimtari të paligjshme.
