Presidenti Joe Biden do të marrë pjesë në përkujtimin e një prej momenteve më të errëta dhe kryesisht të harruara të dhunës racore të SHBA-së, në përkujtimin e 100 vjetorit të shkatërrimit të komunitetit me ngjyrë në Tulsa, Oklahoma.
Vizita e Biden të martën, në të cilën ai do të përkujtojë qindra zezakë të vrarë nga një turmë të bardhësh fiks një shekull më parë, vjen në mes të një ballafaqimi kombëtar ndaj drejtësisë racore. Dhe do të jetë në kontrast të plotë me vizitën e fundit të një Presidenti në Tulsa, vitin e kaluar.
Në vitin 1921, një turmë të bardhësh zbriti në pjesën e zezë të Tulsa-s, Oklahoma, dhe me një tërbim vdekjeprurës, dogjën më shumë se 1.000 shtëpi, plaçkitën qindra të tjera dhe shkatërruan një lagje ku biznesi që kishte lulëzuar.
Qindra njerëz u mblodhën të hënën për një shërbim ndërfetar duke kushtuar një lutje jashtë Kishës Episkopale Metodiste Afrikane Vernon në lagjen Greenwood të Tulsa-s në njëqindvjetorin e ditës së parë të një prej masakrave raciste më vdekjeprurëse të kombit.
William Barber, një aktivist për të drejtat civile dhe ekonomike, tha se ai ndihej “i poshtëruar edhe për të qëndruar në këtë tokë të shenjtë mund të vrasësh njerëz, por nuk mund të vrasësh zërin e gjakut”.
