Prokuroria Speciale e Kosovës, ka kërkuar 30 ditë paraburgim për deputetin e Nismës, Milaim Zekën.
Sot është mbajtur seanca gjyqësore ndaj deputetit Zeka ku dhe është kërkuar masa e mësipërme.
Lajmin është konfirmuar nga avokati i deputetit Milaim Zeka, Gazmend Halilaj.
Halilaj ka thënë se seanca gjyqësore ka përfunduar para gjysmë ore dhe janë në pritje të vendimit nga ana e Gjykatës.
Zeka është i dyshuar për veprën penale “pjesëmarrja ose organizimi i grupit kriminal të organizuar”, pra si i përfshirë në mashtrimin e qytetarëve që kanë aplikuar për viza pune në Gjermani. Ai u ndalua ditën e djeshme nga Policia.
