Lamtumira e Mascheranos tek Barcelona është shoqëruar mes lotësh. Mbrojtësi argjentinas i dha lamtumirën katalanasve pas 7 vitesh e gjysmë të shpenzuara në Camp Nou dhe është gati për të nisur aventurën e re në Kinë me klubin e Hebei China Fortune.
33- vjeçari iu bashkua blaugranave në gusht të vitit 2010 ku u transferua nga Liverpooli.Konfirmimi zyrtar për ndalesën e radhës në Kinë do ta shohë argjentinasin përballë shokut të skuadrës të kombëtares Albiseleste Ezequiel Lavezzi ndërkohë që do të rreshtohet nën urdhrat e ish teknikut të Manchester City-it, Manuel Pellegrini.
Mascherano numëron 334 prezenca me fanellën e Barcelonës me të cilën ka arritur të fitojë katër tituj kampionë në La Liga katër Kupa Mbreti tre Suprkupa të Spanjës gjithashtu numëron dhe dy tituj të Champions Leagues si dhe dy Superkupa të Uefas dhe dy Botërore Klubesh. Gjithçka ka qenë për t’u fituar argjentinasi ka arritur ta sigurojë më fanellën e katalanëve tashmë karriera e tij do të fokusohet në Kinë ku do të nisë aventurën e re në 26 janar.
