Ndarja me partneren ka çuar në marrjen e vendimit për të vrarë vjehrrin dhe vjehrrën. Autori, një 42-vjeçar, nuk e mendoi dy herë për vrau pa më të voglën pendesë me armë zjarri vjehrrën dhe vjehrrin, e më pas veten.
Majlind Lila bashkëjetonte me Nevila Matën prej 1 viti në Suedi. Pasi çifti ishte njohur në Shqipëri, kishin vendosur që të emigronin drejt Suedisë, ndërkohë që konfliktet mes tyre i çuan deri në ndarje.
Autori fajësonte prindërit e saj, Bujar e Valentina Mata nga Korça, për ndarjen me 36-vjeçaren.
Raportohet se në rrethana ende të paqarta, Lila ishte kthyer pardje nga Suedia, ndërkohë që Nevila Mata kishte qëndruar.
Në një gjendje të rënduar psikologjike për aktin e rëndë, 42-vjeçari Majlind Lila, nga Burreli, kishte qëlluar veten me një mjet prerës dhe më pas ishte hedhur sipër kangjellave të ballkonit të banesës 1-katëshe, për t’u vetëflijuar.
Ka qenë policia ajo që e ka transportuar drejt spitalit, por ai nuk mundi t’i mbijetonte plagëve. Mësohet se Lila, banesën e tij e kishte në Fresk, ndërsa ende nuk dihen motivet që çuan në ndarjen me vajzën e viktimave. Aktualisht policia po heton në lidhje me ngjarjen e rëndë.
