Update/Në Resulaj të Vlorës u regjistrua pasditen e së premtes një ndër ngjarjet më të rënda në dy dekadat e fundit. Një person ka ekzekutuar në gjakftohtësi 8 persona, anëtarë të dy familjeve Zykaj, me banim në po të njëjtin fshat.
Autori 24-vjeçar Ridvan Zykaj u largua me shpejtësi nga vendi i ngjarjes, ndërsa po kërkohet nga forca të shumta policie të Drejtorisë së Policisë së Vlorës.
Në njoftimi e radhës polica e Vlorës ka bërë thirrje qytetarëve që të ndihmojnë për kapjen e tij, madje u ka kërkuar atyre që në rast se përballen me të ta shmangin, pasi ai është i armatosur.
“Policia e Vlorës kërkon ndihmën e qytetarëve për identifikimin sa më shpejt të vendndodhjes së autorit të krimit dhe fton ata që të telefonojnë në numrin 069 41 10 242 si dhe në numrin pa pagesë 129, duke ju garantuar anonimatin. Policia e Vlorës sqaron se autori është i rrezikshëm dhe në rast konstatimi ti shmangeni përballjes me të por të telefonojnë policinë”, thuhet në njoftimin e policisë.
Ora 18:20/Masakër në Vlorë/Kush është i riu, vrau 8 persona të fisit Zykaj (Emri)
Një masakër ka ndodhur pasditen e së premtes në Vlorë. Sipas policisë, 8 persona nga dy familje të fisit Zykaj, janë vrarë nga 24-vjeçari i identifikaur si Ridvan Zykaj.
Njoftimi i policisë
Selenicë, Vlorë
Informacion paraprak
Më datë 10.08.2018, në fshatin Resulaj, Selenicë, shtetasi Ridvan Zykaj, 24 vjeç, për motive ende të paqarta ka vrarë me armë zjarri 8 persona nga dy familje te fisit Zykaj.
Autori pas krimit është larguar ku forca të shumta të Policisë, Renea, Delta Forcë, Fnsh, dhe forcat e Drejtorisë Vendore të Policisë Vlorë janë vënë në ndjekje dhe po krehin zonën për të bërë të mundur kapjen e tij.
Grupi hetimor nën drejtimin e Prokurorit ndodhet në vendngjarje dhe po punon për zbardhjen e plotë të rrethanave të ngjarjes.
