Ndarja e viktimës me bashkëshorten, është bërë shkas për të përfunduar me një ngjarje të rëndë, me një të vdekur edhe dy të plagosur. Kryeplaku i fshatit, Vehbi Shehu, ka thënë për mediat se Adriatik Jella kishte 3-4 muaj që ishte në konflikt me familjen e gruas. Kjo pasi ai e kishte lënë bashkëshorten me të cilën ka dy fëmijë. Ai ka ndërruar jetë, pasi e kanë goditur me dru pas koke.
“Dhëndri thoshte do vras dhe të tjerë. E kishte lënë bashkëshorten prej tre muajsh, ka dy fëmijë me të. Për këtë arsye janë problemet. Ai kërkonte ta merrte përsëri, ata nuk ia kanë dhënë.
Ai viktimë dhe këta dy të plagosur në gjendje të rëndë në spitalin e Traumës, në Tiranë. Viktimën e kanë goditur me dru pas koke. Kanë qenë dhe fëmijët brenda, fëmijë dhe gra janë tronditur nga kjo ngjarje. Kanë pasur konflikte që 3-4 muaj”.
Ndër të plagosurit është dhe Flamur Delishi. Viktima kishte shkuar herët në mëngjes, duke i kërcënuar. Më tej është ndeshur me Flamurin, duke e qëlluar e thikë në qafë, dhe dy herë në brinjë.
“Në orën 6 të mbrëmjes, ka ardhur viktima dhe u ka bërë terror atyre. Në fund është ndesh me mikun Flamur Delishin, duke e qëlluar në fund me thikë në qafë dhe dy herë në brinjë.
Flamuri është miku i atij që i janë prerë veshët, Baftjar Çitnakut, vëllai i gruas së tij. Ka bërë terror. Mikun e Baftjarit e ka qëlluar me thikë. Janë dy në spital në Tiranë. Ndërsa viktimën, policia e çoi gjallë në Peshkopi”.
Vjehrri vret dhëndrin, i preu veshët vëllait të nuses dhe plagosi një tjetër
