Masakra e Selenicës nuk ishte pasojë e problemeve të rënda psiqike, për të cilat pretendohej se mund të vuante Ritvan Zykaj. Gjyshi i Ritvan Zykajt, autorit të masakrës në Selenicë, kërkoi t’i sillnin nipin, sepse do të ishte vetë ai që do t’i merrte jetën për aktin që bëri.
Në datën 10 Gusht, ai vrau 8 kushërinjtë e tij të parë të fisit Zykaj, në fshatin Resulaj të Selenicës, në Vlorë. Hetuesve ai u tha se kushërinjtë e akuzonin për vjedhjen e pulave, gjë të cilën ai e mohonte, dhe për këtë arsye i vrau me kallashnikov. Teksa kanë kaluar një muaj nga masakra e Selenicës, 24-vjeçari Ritvan Zykaj është më i vetmuar se kurrë. Atë nuk e kanë vizituar asnjë prej familjarëve.
Ai qëndron i vetëm në dhomë, e ndërsa shumicën e ditës mban në duar libra të sugjeruara nga psikologët. Nuk dihet nëse i lexon, por një ditë, kur një anëtar i stafit ka hyrë në qeli, ka parë Ritvanin që e mbante librin mbrapsht, shkruan “balkanweb”.
Ritvani ha ushqimin e burgut, sepse autoritetet nuk lejojnë që atij t’i vijnë ushqime nga jashtë, kjo për arsye sigurie. Në asnjë moment nuk e ka refuzuar, duke ngrënë gjithë sasinë që i është ofruar, dhe pa bërë kurrë ndonjë kërkesë specifike.
I vetmi rast kur një i afërm vizitoi 24-vjeçarin, ishte kur i dërgoi disa veshje të nevojshme, dhe që atëherë askush nuk është interesuar për të. Sipas burimeve nga paraburgimi i Vlorës, Ritvan Zykaj nuk ka treguar ndonjë pendesë për krimin e kryer. Madje diku është shprehur se do ta vriste sërish në çdo rrethanë, një prej grave që vrau ditën e masakrës.
Tetë persona u sharruan me kallashnikovë të premten e parë të Gushtit nga Ridvani i tmerrshëm. E gjitha zgjati 10 minuta.
Afër njëri-tjetrit, vrasësi i zuri në befasi. Vrau gjashtë të rritur dhe dy fëmijë, menjëherë pas debatit në një drekë. Edhe në gjykatë ai tha se i vrau pasi e quanin hajdut pulash. Pasi ka vrarë 8 kushërinjtë e tij, mes tyre edhe dy fëmijë, ai i ka filmuar me celular.
