Pas dy javësh zhgënjim në Premier League, të kuqtë e Manchesterit janë rikthyer tek fitorja dhe në një përballje mjaft të vështirë, atë me Tottenham. Mourinho kërkonte fitoren në këtë ndeshje për të larguar zërat se në ekip ka përçarje dhe nuk është dëshira për të luajtur. Pas humbjes me Huddersfield, tekniku portugez i kishte kritikuar shumë lojtarët e tij se nuk dhanë gjithçka në fushë dhe se u mungoi dëshira. kritikat duket se kanë shkuar në vend pasi këtë javë ata arrijnë të mposhtin ekipin që po kalonte formën më të mirë në kampionat.
Pjesa e parë fillon në ritme jo të larta dhe të dy ekipet ishin mjaft të kujdesshme në fazën defensive. Janë djemtë e Pochettinos që hidhen në sulm dhe dominojnë në pjesën e parë. Mourinho qëndron i tërhequr dhe kërkon të shfrytëzojë ndonjë kundërsulm me Valencian dhe Lukakun. Por asnjë finalizim nuk u bë i saktë nga të dyja skuadrat dhe De Gea ishte vendimtar me disa pritje, kjo bën që të shkojnë me porta të paprekura.
Në pjesën e dytë ishte ekipi vendas që zbret në fushë me dëshirën më të madhe për të fituar, por has shumë vështirësi përballë londinezëve në mbrojtje. Valenca dhe Young hedhin shumë topa në zonë por që janë të pamundur për tu shfrytëzuar nga Lukaku. Goli i ndeshjes do të shënohet nga njeriu që vjen në fushë nga stoli. Martial 10’ minuta pasi aktivizohet gjen rrugën e rrjetës. Aksioni i golit në të 81’ minutë është fantastik pasi ka vetëm tre protagonistë, De Gea shkelmon topin dhe gjen Lukakun në mesfushë i cili devijon me kokë për të nisur para Martial, ky i fundit shfrytëzon shpejtësinë dhe godet për të mposhtur Lloris.
https://www.youtube.com/watch?v=bqftwArvlx0&ab_channel=Goals%26Highlights
