Më 15 janar do të votohet marrëveshja e Brexit, negociuar mes Londrës dhe Bashkimit Evropian.
Kështu ka deklaruar një zëdhënës i Downing Street, ndërsa ekzekutivi pësoi disfatën e parë në Parlament.
Votimi do të nisë në orën 19:00 (ora lokale dhe GMT), ndërsa më parë do të ketë disa ditë debatesh që do të rinisin të mërkurën në Dhomën e Komuneve.
Por tashmë miratimi i tekstit duket i kompromentuar pasi është kritikuar si nga “Brexiters” edhe nga eurofilët si një kërcënim për një largim brutal nga BE-ja më 29 mars, shkruan BW.
Shenjë e një konteksti armiqësor, deputetët e vunë në vështirësi qeverinë të martën duke votuar një amendament për projektligjin e financave, i depozituar nga opozita laburistre, i cili kaloi me 303 vota pro kundrejt 296 kundra në sajë të mbështetjes së konservatorëve të shumicës. Teksti redukton kompetencat fiskale të qeverisë në kuadër të një Brexit pa marrëveshje, nëse nuk arrihet dakordësia e Parlamentit.
