Është shtyrë për nesër votimi në parlamentin grek lidhur me emrin e ri të Maqedonisë, që pritet të zhvillohej pasditen e sotme.
Procesi i votimit do të kryhet ditën e nesërme në orën 14:30, ka njoftuar kreu i Parlamentit grek. Vendimi erdhi për shkak se një numër i konsiderueshëm i deputetëve kërkuan të marrin fjalën para se të zhvillohej votimi.
Sipas Marrëveshjes së Prespës, Maqedonia do të quhet Republika e Maqedonisë së Veriut dhe është miratuar nga Parlamenti në Shkup. Ndërkohë, pritet që vendimi të miratohet edhe në parlamentin grek nga të paktën 151 deputetë, në mënyrë që marrëveshja të hyjë në fuqi.
