Pas Egjiptit, Nigerisë dhe Senegalit kanë siguruar pjesëmarrjen në “Rusi 2018” edhe dy përfaqësuese të tjera të Konfederatës Afrikane të Futbollit, Maroku dhe Tunisia. Maroku mposhti Bregun e Fildishtë në ndeshjen e gjashtë dhe të fundit në grupe, kur edhe me një barazim mund ta siguronte kualifikimin. Djemtë e Hervé Renard befasoi 0-2 në transfertë duke shënuar dy gola që në pjesën e parë. Fillimisht realizoi Dirar në të 25-ën, ndërsa 5 minuta më vonë dyfishoi shifrat Mehdi Benatia. Sfida tjetër e këtij grupi mes Gabonit dhe Malit përfundoi 0-0.
Ndërkohë, në Grupin A, Tunizia barazoi 0-0 me Libinë në stadiumin olimpik të Rades, me tifozërinë vendase që e shndërroi në festë këtë ndeshje për zyrtarizimin e kualifikimit në Botëror. Tunizia i mbylli kualifikueset në vendin e parë me një pikë më shumë se Republika Demokratike Congos, që fitoi 3-1 me Guinenë.
Ja 26 skuadrat e kualifikuara deri tani, për të marrë pjesë në Botërorin “Rusi 2018”:
Rusia
Brazili
Irani
Japonia
Meksika
Belgjika
Koreja e Jugut
Arabia Saudite
Gjermania
Anglia
Spanja
Nigeria
Kosta Rika
Polonia
Egjipti
Islanda
Serbia
Portugalia
Franca
Uruguai
Kolumbia
Argjentina
Panamaja
Senegali
Maroku
Tunizia
