I riu i Flamengos, Vinicius Junior ka deklaruar se ai sa herë bën paraqitje të mira në fushë merr mesazh nga mbrojtësi i Real Madrid, Marcelo. Sulmuesi 18-vjeçarë shihet në Brazil si një lojtarë me të ardhme të madhe dhe shumë shpejt mund ta shohim në ndonjë ekip të madh evropian. Duket se syrin ia ka vënë Real Madrid dhe është Marcelo që po bën ndërmjetësin në këtë transferim të mundshëm.
“Jam i qetë dhe dëshiroj të jap më të mirën tek ekipi që jam, pasi kam edhe një vit kontratë. Unë jam i fokusuar tek ajo që mund të bëj në fushë dhe nuk më shqetësojnë as momentet kur kritikohem”, është shprehur Vinicius. Ai po ashtu ka pohuar se është në kontakt me brazilianët që janë tek madrilenët dhe ka komunikuar me ata për jetën që bëhet atje, por asgjë më shumë. “ Flas shpesh me danilon, Casemiron dhe Marcelon. Madje ky i fundit sa herë bëj ndeshje të mira më dërgon mesazh. Pas çdo ndeshje pres me emocion mesazhin e tij. Nuk kam folur me Zidane dhe me asnjë drejtues të Real-it, pasi kam edhe një vit kontratë pastaj do të mendoj se cila do të jetë lëvizja e radhës”, ka përfunduar 18-vjeçari.
Marcelo duket se iu ka sugjeruar brazilianin e ri drejtuesve madrilenë, pasi pritet të ketë një të ardhme të ndritur. Ai është mjaft i ri dhe pritet që drejtuesit e Real të bëjnë ndonjë lëvizje për ta afruar në ekip verën e ardhshme.
